--Ads--
BAGUIO CITY – Agpapaimbag ita ti maysa a driver kalpasan a naaksidente sadiay Camp 3, Kennon Road, Tuba, Benguet pasado alas tres itay parbangon.
Nabigbig daytoy a ni Arnold Pad-eng, 22-anyos ken residente ti Palina, Taloy Sur, Tuba, Benguet.
Maibasar iti imbestigasyon, paturong ti puraw a mitsubishi nga imanmaneho ti biktima iti Baguio City.
Nupay kasta, idi nadanon ti kurbada a paset ti kalsada ket maatap a naituglepan ti driver rason a natnag daytoy iti agarup 100 metro ti kangatona a rangkis.
Nagsagrap ti driver ti minor injuries ken naiturong iti ospital babaen iti MDRRMC ken Tuba MPS.
