Agrekreklamo ita dagiti residenti pakairamanan dagiti motorista ken bisita iti kinaawan ti flagman a mang-asistar iti gunay ti trapiko iti road construction iti depaar ti Lourdes Grotto.
Makapaspasar ita ti nadagsen a gunay ti trapiko iti nasao a lugar nangruna ita nga aldaw ti Domingo ket adu ti sumang-sangbay a turista.
Sigun kadagiti residenti, rumbeng kuma nga adda ti flagman nga ideploy ti kontraktor tapno naannayas ti taray ti trapiko.
Innayon da a malaksid iti nakabunbuntog a patrabaho awan pay ti maideploy a flagman.
Kinuna da pay a kasapulan nga responsibilidad ti kontraktor ti mangdesignar ti tao kas flagman gapu ta isuda ti nagparnuay ti problema iti taray ti trapiko.
Kabayatan na, makidkiddaw met ti panagbalin a pro active dagiti barangay officials iti nasao a lugar tapno tumulong iti panangimanihar kadagiti dumaldalyasat a lugan iti nasao a lugar.
