Nakemmeg ti 2 nga indibidual a mabigbigbig nga street level ken high value individual idi kalman ti parbangon idiay “Lions Head” Purok Zigzag, Camp 7, Baguio City gapu iti panangilakoda ti marijuana babaen iti naisayangkat a buybust operation.
Dagiti suspek ket agpada a naasawaan, minero ken residente ti Philex Mines, Itogon, Benguet, agtawen ti 40 ken 46.
Nasamsam manipud kadakuada ti walo a pidaso ti maatap a marijuana leaves ken stalks nga addaan iti mapatta-patta a timbang a 8 kilo nga addaan iti SDP 960,000.00
Malaksid iti dayta, naala pay manipud kadakuada ti maysa a pidaso ti 500 peso genuine bill, 160 a pidaso ti sangaribu a boodle money, maysa a samsung ken vivo cellular phone.
Naikabil dagiti maatap nga iligal a droga iti maysa a silver toyota innova a nakarehistro iti sabali a nagan.
Balligi a naipatungpal ti operasion nga indauloan ti operatiba ti Regional Police Drug Enforcement Unit- Cordillera, Regional Intelligence Division (RID)-Cordillera, RPDEU-CAR (Lead Unit), RID-CAR, Station 8, CDEU ken CIU w/ PDEA Coordination.///Bombo Noveh Organo
