Impetteng ni Atty. John Paul Martin-Election Officer iti siudad ti Baguio nga iberipikarda paylaeng iti Law Department ti naipila a disqualification case kontra iti vice mayor-elect iti siudad ti Baguio.
Iti pannakiuman ti Bombo Radyo kenkuana, kinunana a naisingpadan ti nasao a disqualification case ngem kasapulan a maberipikar daytoy agsipud ta awanan iti ducket no sadino naipatulod laeng daytoy iti email account-da.
Kinunana nga inproklamada ti nasao a nangabak rason a saandan nga inuray ti nafollow-up daytoy gapu iti adu a pakakumikomanda.
Possible a maawatda met ti pormal a kopya ti nasao a disqualification case inton sumarsaruno nga aldaw.
Kabayatanna, nangrugi metten a nagiwaras dagitoy iti honorarium dagiti nagserbi kas electoral board, board of canvassers ken dadduma pay sadiay Manuel L. Quezon Elementary School idi Mayo 21 ken 22, 2025.
Kinunana nga adda metlaeng dagiti inbaon dagiti dadduma a manursuro nga otisarado a mang-awat kadagiti honorarium dagitoy gaputa nagturong dagitoy sadiay Laoag City para iti Palarong Pambansa 2025.
Kagiddan dayta, nagyaman ni Atty. Martin kadagitoy iti tulongda iti kaleppas nga eleksyon.
