Pormal nga inturn-over ti Department of Agrarian Reform (DAR) ken ti National Irrigators Association (NIA) ti dua a solar-powered irrigation projects sadiay Barangay Marcela, Sta. Marcela ken Barangay Dagupan, Luna, Apayao itay napalabas.
Daytoy ket babaen iti panangidaulo ni National Irrigators Association (NIA) Cordillera Regional Manager Benito T. Espique, Jr. a nakipasetan dagiti personnel ti Department of Agrarian Reform (DAR) Apayao, dagiti opisyales, dagiti lider dagiti irrigator’s association ken dagiti mannalon.
Ti solar-powered irrigation projects sadiay Barangay Marcela ket naipaayan iti pondo a P7.5 million ken daytoy ket maaramat iti kalawa a 15 ektarya ti daga a mabalin a pagnumaran dagiti dua pulo ket dua a mannalon.
Iti sabali a bangir, ti proyekto sadiay Dagupan, Luna ket aggatad iti P11 million a maaramat iti 24 nga ektarya a mangnumar kadagiti 34 a mannalon.
Karaman iti nasao a proyekto ti solar-powered irrigation pumps, canal structures, ken daduma pay a kagawaan.
Sigun kenni Juliet C. Dumapis, Chief Agrarian Reform Program Officer ti DAR-Apayao, ti panagaramat iti solar energy ket saan laeng a mangkissay iti gastos dagiti mannalon no diket tapno mas agbalin dagitoy nga efficient.
