Umap-apela dagiti summagmamano a motorista nga agdaldalyasat sadiay Brgy. Beckel, La Trinidad, Benguet gapu kadagiti lugan a nakaparada iti igid ti kalsada.
Ti nasao a kalsada ket asideg iti boundary ti siudad ti Baguio ken munisipyo ti La Trinidad.
Sigun iti maysa a motorista a ni Ferdinand Gallema Moldero kanayun nga agdaldalyasat sadiay, maamak daytoy gapu ta posible a mangitunda iti aksidente dagiti nakaparada a lugan.
Maibasar iti impablaak daytoy iti social kedia, agparparang a nagbalinen a private parking area ken junkshop area ti nasao a paset ti kalsada.
Gapu iti daytoy, kukuwestionarenna ti naan-anay nga implementasyon ti anti-road obstruction ken road clearing campaign iti nasao a munisipyo.
Iti pannakiuman ti Bombo Radyo kenkuana, kinunana a no mabalbalin ket ikaten a dagus dagiti maseknan nga opisina dagiti nakaparada a lugan sadiay tapno saan a mangitunda iti aksidente.
Kinuna pay ti nasao a motorista nga adda metlaeng ti maar-aramid a pasdek sadiay a nangrugi idi napalabas a tawen.
Innayonna pay a ti nasao a paset ti munisipyo ket sigud a play by area ken view deck idiay Brgy. Beckel ngem saan metten a maaramat daytoy ti publiko.
Kabayatanna, padpadasen metlaeng ti Bombo News Team nga agala iti kanayunan a detalye kadagiti maseknan nga opisina ti gobyerno seknan iti nasao a parikut.
This is a developing story…….
