Kinarit ni Philippine National Police (PNP) Chief General Nicolas Torre III dagiti pulis manipud iti Patrolman agingga iti heneral tapno agbalin dagitoy a Physically Fit.
Karaman kadagiti karitna ti 40 a push ups tapno magun-odda ti fitness standards iti las-ud ti maysa a tawen.
Iti kanito a saan a magun-od dagiti pulis ti Physically Fit a panagbagbagi, maikkat dagitoy iti serbisyo.
Maibasar iti pammilin ti PNP Chief, masapul a makita ti respeto ken turay dagiti polis iti physical appearance dagitoy.
Nagbalakad pay daytoy kadagiti addaan iti 8:00 AM angingga 5:00 PM a duty nga ag-early outda iti 3:00PM iti aldaw ti Martes ken Huebes tapno adda ti oras dagitoy nga ag-ehersisyo.
Kabayatanna, inayon ni PNP Chief General Torre III a masapul nga agbirok dagiti frontline duty iti oras para iti panag-ehersisyo dagitoy.
