--Ads--
Impakaammo ti Office of Civil Defense (OCD) a dumanonen iti 30 nga indibidual ti pimmusay gapu iti habagat, ken dagiti bagyo a Crising, Dante, ken Emong.
Sigun kadakuada, kaadduan iti rason ti ipupusay dagitoy ket gapu iti pannakalmes wenno electrocution.
Kabayatanna, sangapulo metlaeng nga indibidual ti nailista a nadangran bayat a pito dagiti mapukpukaw.
Malaksid iti dayta, dumanon iti 5.2 million nga indibidual ti naapektaran manipud kadagiti 5,999 a barangays iti Pilipinas.
Gapu iti dayta, agarup 55,000 a pamilya wenno 200,000 nga indibiduals ti agdama nga agtaltalinaed kadagiti evacuation centers.
Kaadduan kadagiti nagbakwit ket manipud NCR, Region III, CALABARZON, Region I ken MIMAROPA.
