Napasamak ti uram iti basement iti Maharlika Livelihood Center pasado alas-nuebe idi rabii.
Dumanon iti nasurok sangapulo (10) a fire trucks ken water delivery trucks ti rimmesponde tapno masebseban daytoy.
Nupay kasta, narigatan dagiti bumbero a serken ti basement ti nasao a pasdek gapu iti nangisit ken napuskol nga asok.
Sigun kenni Mayor Benjamin Magalong a personal nagturong sadiay,inkagumaan dagiti bumbero a sebseban daytoy ken more than enough met dagiti kagawaan a naaramat para iti daytoy.
Nupay kasta, impetteng ti mayor a rumbeng metlaeng a maipangruna ti kinatalged dagiti rimmesponde tapno maliklakan ti panakaisagmak dagitoy.
Karaman met kadagiti personal a nagturong iti nakapasamakan ti uram tapno tutukan daytoy ni Baguio City Police Office-City Director Police Colonel Ruel Tagel.
Mainaig iti dayta,sarado ti nasao a shopping complex ita nga aldaw gapu iti posible nga epekto iti asok.//Bombo News Team
