Impetteng ti Department of Public Works and Highways (DPWH) nga agkiddaw dagitoy iti tulong iti Philippine National Police (PNP) ken iti Armed Forces of the Philippines (AFP) iti panang-inspeksyon kadagiti naanomalyaan a flood control projects.
Sigun kenni DPWH Secretary Vince Dizon, napateg ti tulong dagitoy nangruna ket saanda a kabaelan ti mang-iggem ken mangsukimat kadagiti rinib-ribu a proyekto.
Nupay kasta, kinuna ni PNP public information office chief Police Brigadier General Randulf Tuaño nga awan paylaeng ti naawat dagiti nga aniaman a kiddaw manipud iti Department of Public Works and Highways (DPWH).
Kabayatanna, kinuna met ni public affairs office chief Colonel Xerxes Trinidad a nakasagana ti military a mangresponde iti kiddaw ti nasao nga ahensya.
Innayon pay ni Dizon a kadwaanna ni Baguio City Mayor Benjamin Magalong iti panang-inspeksyon kadagiti questionable projects iti siudad ti Baguio ken sadiay La Union.
