Dumanonen iti 69 nga indibidual ti pimmusay iti panagdayyeg ti magnitude 6.9 a ginggined sadiay Bogo City, Cebu idi September 30,2025.
Sigun kenni Office of Civil Defense officer-in-charge Bernardo Alejandro agarup kagudua dagiti pimmusay ket manipud sadiay Bogo City.
Maibasar iti report ti Bogo City ti nakailista iti 30 a pimmusay, 22 sadiay Remigio, 10 sadiay Medillin, 5 sadiay Tobogon ken saggagaysa sadiay Sogod ken Tabuelan.
Kaadduan kadagitoy ket dagiti natupakan iti natnag a debris.
Impetteng met ni Alejandro a suksukimaten dagiti maseknan nga otoridad dagiti structuctural damage sadiay particular dagiti pagadalan ken ospitals.
Nagballaag pay daytoy kadagiti umili a saanda paylaeng nga agsubli kadagiti pagtaenganda agingga a saan nga indeklara dagiti otoridad a natalged.
