Nasayaat ti panaglako dagiti cut flower farmers iti produktoda a sabsabong iti napalabas nga All Saint’s Day ken All Soul’s Day 2025.
Iti pannakiuman ti Bombo Radyo kenni Andy Colte Sr., leader ken sector representative ti Cut Flower Industry ti Benguet, kinunana a nakasubbot met dagiti cut flower farmers iti kaleppas nga All Saint’s Day ken All Soul’s Day 2025
Dinakamatna a sakbay ti All Saint’s Day ken All Soul’s Day, nababa ti presyo dagiti sabong ken ngimmato idi Nobiembre 1 ken Nobiembre 2 ngem pagyamyamannanda gaputa nakapaglako dagitoy.
Innayon pay ni Colte Sr., a napimpintas ti napaglakoanda ita a tawen nu idilig kadagiti napalpalabas a tawen.
Sumaruno met a pagsagaan dagiti cut flower farmers ket ti isasangbay ti bulan ti Pebrero inton sumaruno a tawen para iti selebrasyon ti Panagbenga Festival ken Valentines Day. | via Bombo Karen Sapirao
