Agbalbalin a karit kadagiti umili sadiay barangay West Quirino Hill, Baguio City ti maymaysa a ruta a pauneg ken paruar ti barangayda nangruna iti panawen ti bagyo.
Iti pannakiuman ti Bombo Radyo kenni Anselmo Tao-ing, barangay captain ti nasao a barangay, kinunana nga iti kanito nga agka-aberya ket awanen ti mabalin pay a pagnaan dagitoy.
Kagiddan dayta, kinunana a napigsa metlaeng ti angin ken tudo a mapaspsaran dagitoy uray no signal no. 1 laeng agsipud ta adda dagitoy iti tuktok ti bantay.
Gapu iti dayta, kinunana a nangrugi metten a nagrikus dagitoy kadagiti masakupanda a lugar tapno pakdaaran dagiti constituents-da.
Nagpalagip metlaeng daytoy iti masakupanna a lugar a liklikanda a rummuar kadagiti pagtaenganda la ketdi natalged daytoy.
Banbantayanda metlaeng dagiti kayo a nagango nangruna ket adda dagiti kaabay daytoy a pagtaengan a possible a maapektaran.
Kinunana a naireport metten daytoy iti Benguet Electric Cooperative ngem naisubli metlaeng kadakuada tapno dagitoy ti mangputed ngem marigatanda laeng agsipud ta awan ti aramaten dagitoy nga alikamen a mangputed.
Kabayatanna, nagpalagip daytoy kadagiti masapukapanna nga agridam dagitoy nangruna iti possible nga epekto ti bagyo nga Uwan.
Inyunay-unayna metlaeng a dagus nga iayawag kadakuada wenno iti 911 no adda ti emerhensya.
