--Ads--
Impakaammo ti Office of Civil Defense (OCD) a dumanon iti 18 nga indibidual ti pimmusay gapu iti bagyo nga Uwan.
Sigun kenni Office of Civil Defense deputy administrator for administration Assistant Secretary Bernardo Rafaelito Alejandro IV dagiti naireport a pimmusay ket manipud iti rehion Cordillera nga addaan iti 12 a pimmusay, 3 sadiay Region 2, ken saggagaysa ti Region 5, Region 6 ken Region 8.
Kaadduan a rason ti ipupusay dagiti nadakamat nga indibidual iti rehion Cordillera ket gapu iti landslide, bayat a kadagiti dadduma a rehion ket gapu iti panakalmes.
Kabayatanna, impakaammo pay ti nasao nga opisyal a dua ti mapukpukaw bayat a 28 ti nadangran.
