--Ads--
Inwaragawag ni Senate President Vicente Sotto III a nakasagana ti Senado a mangipaay iti institutional assistance para kenni Sen. Ronald dela Rosa.
Aramiden daytoy ti Senado iti kanito a pormal nga ipaulog ti International Criminal Court (ICC) ti arrest warrant kontra iti Senador.
Sigun kenni Senate President Sotto, maikari a maipaayan iti nasao a pribilehio ken suporta dagiti senador a sumango kadagiti legal wenno custodial issues, lokal man wenno internasional.
Innayon daytoy a maipaay metlaeng daytoy kenni Sen. dela Rosa a kas iti naaramid kadagiti nagduduma nga opisiales a kas iti panawen ni Senator Enrile, Senator Salonga, sigud a senator Leila de Lima ken iti panawen ni Sonny Trillanes.
