Idagdagadag ti Iglesia ni Cristo (INC) iti gobyerno ti Pilipinas ti panagtignay daytoy iti nasaknap a korapsyon iti pagilian.
Sigun kenni INC spokesperson Edwil Zabala, agtultuloy ti panagurayda iti tignay ti gobyerno tapno marisut ti koraspyon ken maipaayan ti sungbat amin dagiti maatap a saan a maiparbeng a panakaaramat dagiti pondo.
Maipalagip nga idi November 2025 ket nangipatungpal ti nasao a kapilya iti Rally for Transparency, Accountability, Justice and Peace.
Nupay kasta, kinuna ti nasao nga opisyal a saanda pay a makita ti panakarisut dagiti pakaseknan partikular ti nagturturungan dagiti binilbilyon a kwarta a nagnumaran koma dagiti umili.
Malaksid iti dayta,kwinestyunaran metlaeng ti nasao a kapilya ti nabuntog a proseso ti imbestigasyon nu sadino, nadakamat a daduma kadagiti mangipapaay ti impormasyon ket maatap nga isu pay ti maha-harass ken maidardarom.
Kagiddan dayta, impetteng daytoy nga ur-urayen dagiti umili a Pilipino ti kinuna ti Senate Blue Ribbon Committee a “we will go where the evidence lead us.”
