Pormalen a dinutokan ni President Ferdinand Marcos, Jr. ni sigud a Tourism Secretary Christina Garcia Frasco kas Presidential Adviser para iti Sustainable and Resilient Communities kalpasan iti makalawas nga espekyulasyon iti panaglusulos daytoy iti nasao nga ahensya.
Sigun iti Malacañang, dinutokan ti presidente ni Frasco nga iduloannna ti panangipatumpal ti agtultuloy a programa ti national government nangangruna kadagiti lugar a tamtamaan ti kalamidad ken climate-related risks.
Kagiddan daytoy, agserbi met kas officer-in-charge ti nasao nga ahensya ni Tourism Undersecretary Verna Buensuceso tapno masigurado ti agtultuloy nga operasyon ti ahensya ti turismo.
Ti pannaka-appoint ni Frasco ket napasamak iti tenga ti panangbatikos kenkuana gapu iti maatap a “self-promotion” kadagiti tourism materials ti gobyerno-banag a nainget a pinaglibakan daytoy. //Bombo Karen Sapirao
