Inlawlawag ni Atty. Harry Roque babaen iti maysa a bidyu nga impablaakna iti social media account daytoy nga imbento laeng dagiti landgrabbing complaints a naipila kontra kenkuana.
Daytoy ket kalpasan dagiti akusasyon ken damag a panang-agaw ti abogado ti daga dagiti sumagmamano a mannalon no sadino nangipilada ti sumagmamano a mannalon iti reklamo a landgrabbing kontra iti abogado
Inakusaranna ti nakadetene a kidnapper a ni Ramil Madriaga ti adda likod ti nasao a reklamo.
“Imbentong mga paratang sa akin na diumano ay landgrabbing… Nagsampa sila ng kaso at ito ay nasampa sa pagsisinungaling ni (Ramil) Madriaga,” sigun iti nasao a senador.
Inlawlawag ni Atty. Roque a naipila ti nasao a reklamo kontra kenkuana kalpasan a nagkedked daytoy a mangawat iti P5million offer ni Madriaga tapno ibabawina ti kidnapping-with-ransom a nga impilana kontra kenni Madriaga.
Inlawlawag metlaeng ni Atty. Roque nga awan ti pormal a kaso a naipila iti korte kontra kenkuana.
“Uulitin ko po: Ang sinampa nila ay reklamo lamang. Wala pa pong kaso sa korte. Ang kaso po ay nasa hukuman dapat. Pero kapag ang reklamo ay sinampa lang sa National Bureau of Investigation, at hindi man lang sa Department of Justice, wala pa pong kaso iyun,” inlawlawag ti nasao nga abogado.
“Hindi ko po alam kung anong reklamong isinampa nila. Wala po akong kahit anong pinirmahan. Wala po akong kahit sinong ninakawan ng titulo ng lupa”, innayon daytoy.
Impettengna a nakasagana daytoy a mangsango kadagiti anyaman a reklamo a maipila kontra kenkuana ket inyebkasna a kumpiyansa daytoy a malawlawagan metlaeng amin dagiti isyu a sangsangwen daytoy.
“Haharapin ko po lahat ng demanda sa akin dahil naniniwala naman po ako na, kung hindi makakamit ang katarungan sa administrasyon ni Marcos, makakamit po ang katarungan matapos mawala si Marcos. Wala naman pong forever.”
Guyguyugoyenna met ti publiko a saan a mamati kadagiti ibutbutaktak dagiti inawaganna nga “ulbod” a tattao.
“Huwag po kayong magpalinlang sa mga kriminal. Huwag po kayong magpalinlang sa mga kidnapper. Huwag po kayong magpalinlang sa mga extortionist,” kinunan ti nasao nga abogado. //bombokaren.c.s.
