--Ads--
Marugianen ti panangiwaras ti dagiti local government units ti libre a bagas iti sidung ti Local Governmen Support Fund (LGSF) inton sumaruno a lawas.
Sigun kenni Ferdinand “Bongbong”Marcos, Jr., ti nasao nga initiatiba ket kas paset iti addang ti gobyerno tapno matulongan dagiti pamilya gapu iti panagngato ti presyo dagiti gagatangen.
Impanamnama met ti presidente ti umdas a suplay dagiti fertilizers para iti sumaruno a panagmumula tapno masuportaran ti produksyon ti agrikultura iti pagilian.
Kinumpirmar met laeng ni President Ferdinand a mas pinaregta pay ti gobyerno ti P20 bigas a mabalin a magatang iti 627 centers iti pagilian tapno adaddu pay dagiti agnumar iti nasao a benepisyo. //bombokaren.c.s
