Inwaragawag ti Malacanang a saan a mailaksid ni President Ferdinand “Bongbong” Marcos, Jr. iti probisyon ti 2026 General Appropriations Act (GAA) nga ipawil ti presensya dagiti nagan wenno anyaman a simbolo dagiti opisyal kadagiti programa ken tulong nga ipapaay ti gobyerno iti publiko wenno ti anti-epal provision.
Sigun kenni Palace Press Officer ken Communications Undersecretary Claire Castro, dagos nga inbilinna iti Department of Social Welfare and Development (DSWD) nga ikkatenda dagiti tarpaulin nga addaan iti ladawan ni President Ferdinand “Bongbong” Marcos a nadiskubre a nakapaskil iti maysa a pay-out center, no sadino maipapaay ti cash relief assistance kadagiti Public Utility Vehicle driver nga apektado iti panagngato ti presyo ti produkto a petrolyo.
Binalagaan met ti Palasyo ti lokal a gobyerno a saan nga aramaten ken gundawayan dagiti programa ti gobyerno kas kadagiti payout activities. //bombokaren.c.s
