--Ads--
Ikagkagumaan dagiti maseknan a pagilian ti sangalubongan a lapdan ti posible a panagwaras ti Hantavirus.
Daytoy ket kalpasan ti panagraira ti nasao a sakit iti maysa a cruise ship.
Manarimaan metten ti contact tracing kadagiti bimmaba iti barko sakbay a naduktalan ti virus.
Maipalagip a pimmusay ti tallo nga indibidual, pakairamanan ti Dutch couple ken maysa a German national gapu iti hantavirus a nagraira iti uneg ti barko nga MV Hondius.
Malaksid iti dayta, lima pay a pasahero ti nakompirmar a positibo bayat a tallo ti suspected cases iti nasao a virus.
Ti Hantavirus ket kadawyan nga agwaras babaen iti pananglang-ab iti angin a kontaminado iti virus manipud iti ihi, ibleng, wenno laway dagiti naimpektaran nga a rodent wenno utot.
