Posible a maipatungpal idiay Barangay Betag, La Trinidad, Benget dagiti sumagmamano kadagiti aktibidades ti Strawberry Festival inton umay a tawen
Sigun kenni Monaliza Comilla, Barangay Chairman ti Barangay Betag, daytoy ti inwaragawag ni La Trinidad Mayor Roderick Awingan kabayatan iti Opening Program ti 1st Betag Tourism Celebration Week.
Kabayatanna, naiyakar met ti closing program ti nasao a selebrasyon nga agpatingga kuma inton Mayo 22.
Mailaylayon daytoy inton Mayo 24, aldaw ti Domingo.
Daytoy ket tapno agpaut pay ti selebrasyon ken ag-enjoy pay ti publiko.
Iti pannakiuman ti Bombo Radyo Baguio kenni Commilla, ti tourism celebration week ket agserserbi kas maysa a wagas tapno maitandudo dagiti produkto ken mula dagiti mannalon kas kadagiti strawberry ken dadduma pay ken tapno maipromote met laeng ti tourism dagitoy kas iti strawberry picking.
Innayonna pay a ti nasao nga event ket tapno maiparikna dagitoy iti publiko ti ‘spirit of binnadang‘.
Impeksa ti nasao nga opisyal a tapno maselebraranda ti umuna a Barangay Tourism Celebration Week ken nagsolicit dagitoy no sadino dumanon met iti 30K ti naurnongda.
Malaksid iti Barangay Tourism Celebration Week, mabigbigbig metlaeng gamin ita a bulan ti Farmers’ Month rason tapno maaramid dagiti nagduduma nga aktibidad ita a tourism week.
Innonna nga agtultuloy pay laeng ti pangasolicit dagitoy para iti pannakaisimpa ti picture area da no sadino dinakamatna a nakasuporta ditoy ti local government unit, municipal tourism, ken stakeholders da.
Mainaig iti dayta, maaw-awis ti publiko a makipaset kadagiti nagduduma nga aktibidad iti nasao a selebrasyon kas panangsuporta kadakuada. //via Bombo Noveh Organo
