Impakaammo ni President Ferdinand Marcos, Jr. a nangilatang ti gobyerno iti agarup P1.30 Trillion para iti sektor ti edukasyon ita a tawen.
Impakaamona daytoy kabayatan iti bitlana iti maikatlo a Commencement Exercises ti West Visayas State University (WVSU) College of Law no sadino impettengna ti kinapateg ti edukasyon iti panangpasayaat ti sistema ti hustisya iti pagilian.
“This year we have allotted over PhP1.30 trillion for the advancement of the education- affirming our belief that the progress of the nation begins with the empowerment of its people,” sigun kenni President Marcos, Jr.
Kagiddan dayta, indauloan ni President Marcos, Jr. kaduana ni First Lady Araneta-Marcos ti inagurasyon ti baro nga uppat a kadsaaran a building ti WVSU College of Law.
Immunan nga impakaammo ti presidente a dumanon ti P1.345 Trillion ti nasao a budget para iti 2026 no sadino 4.36% daytoy iti Gross Domestic Product (GDP).
Maaramat daytoy iti panang-hire kadagiti mannursuro, learning recovery kadagiti kangrunaan nga asignatura, school-based feeding programs, ken panangipatakder kadagiti klasrum iti pangilian. //bombokaren.c.sapirao
