Mangipaay ti Department of Social Welfare and Development (DSWD) ti Emegrgency Cash Transfer (ECT) program para kadagiti pamilya a naapektaran iti magnitude 7.8 a gingined a tinmama iti paset ti Sarangani ken dadduma a rehiyon ti Cordillera idi Hunyo 8.
Sigun iti nasao nga ahensya, mangrugida a mangipaay iti nasao a cash assistance ita nga aldaw, Hunyo 23, kadagiti apektado a lugar.
Karaman kadagiti makaawat iti tulong ket dagiti pamilya manipud Glan ken Malapatan idiay Sarangani, General Santos City, ken dagiti lugar idiay Balut Island ken Jose Abad Santos idiay Davao Occidental.
Ti nasao a programa ket paset iti early recovery program ti nasao nga ahensya no sadino panggepna a matulongan dagiti biktima nga in-innot a makabangon ken makaala kadagiti kangrunaan a kasapulanda.
Mapatta-patta a dumanon iti 139,000 a pamilya manipud Regions 11 ken 12 ti maakaawat iti tulong no sadino agarup P799 million ti manamnama a maipaay.
Kabayatanna, impanamnama ti nasao nga ahensya ti panangtutokda iti panangipaay ti tulong kadagiti apektado a komunidad.
Impanamnamana pay nga adda ti umdas a pondo ken naka-prepositionen dagiti relief goods para iti nasao nga operasyon. //bombokaren.c.sapirao
