Impeksa ni Senate President Sherwin Gatchalian nga awan pay ti pinal a desision nu maaddaan iti nagsina a presiding officer para iti impeachment trial ni Vice President Sara Duterte.
Sigun kenni Gatchalian, nadakamat iti Rules of Procedure on Impeachment Trials a ti Senate President ti agserbi a presiding officer kadagiti impeachment proceeding, malaksid nu ti Senado ket mangikeddeng a mangdutok iti dadduma.
Ti nasao a banag ket kasaruno iti kinuna ni Senador Panfilo Lacson nga addan ti mapapati nga immuna a katulagan ti mayorya nga ibotos ni Senador Francis Escudero kas presiding officer iti impeachment court.
Inlawlawag met ni Gatchalian a saan pay daytoy a pormal a napagsaritaan dagiti senador, bayat nga agtultuloy nga ad-adalenda ti Articles of Impeachment, ebidensya, ken dagiti testigo iti kaso.
Sumangsango ni Vice President Duterte kadagiti reklamo a culpable violation of the Constitution, graft and corruption, betrayal of public trust, bribery, ken dadduma pay a nangato a krimen.
Nangrugi ti pre-trial conference iti impeachment case idi Hunio 18.
