Binalakadan ni Lino Cayetano dagiti kakabsatna a da sina Sen. Alan Peter Cayetano ken Sen. Pia Cayetano seknan iti pudno a pagserbianda kas public official.
Imbalakad ti ub-ubing a kabsat dagiti Senador a rumbeng a kanayunda a laglagipen a dagiti Pilipino ti pagseserbianda ken saan laeng a maymaysa a tao wenno ti bukod nga interest ti anya man a grupo.
Sigun pay kenkuana, para metlaeng daytoy kadagiti amin nga opisiales ti gobierno.
Innayonna a sakbay a maturog dagitoy, rumbeng metlaeng nga isalud-sud iti bagida no pagserserbian da ngata dagiti kaaduan a Pilipino.
Maipalagip a dinutukan ni President Ferdinand Marcos Jr. ni Lino Cayetano kas communications executive iti sidong ti Presidential Communications Office.
Pagaammo met ti kabsatna a ni Senator Alan Peter kas maysa kadagiti kritiko ti agdama nga administrasyon no sadino, adu a daras nga inakusaranna ti Malakaniyang a mangkon-kontrol kadagiti sumagmamano a kakaduana a Senador.
