--Ads--
Limmawa ti lugar nga apektado iti Ebola outbreak sadiay Democratic Republic of Congo kalpasan a nailista ti dua manen a health zones.
Karaman kadagiti kaudian nga apektado ti bulu sadiay Sud, Ubangi province ken Dungu sadiay Haut-uele province nga asideg iti beddeng ti South Sudan.
Gapu iti daytoy, dumanon iti 63 a heath zones kadagiti pito a probinsiya ti apektado.
Sigun iti World Health Organization wenno WHO, dumanon iti agarup 7,890 ti kompirmado a kaso ken 3,799 dagiti pimmusay manipud idi Setiembre 23, 2026.
Kabayatanna, kinuna ni WHO Director-General Tedros Adhanom Ghebreyesus a lapped iti contact tracing ti agtultuloy a panaggarakar dagiti tattao.
