BENGUET- Irekrekomendar ti Benguet Inter-Agency Task Force on Agricultural Products and Farmer Protection ti pannaka-adda ti checkpoint kadagiti tracks a naglaon ti nateng a sumsumrek iti probinsya ti Benguet.
Malaksid iti dayta ket ti pannakakumpiskar dagiti nateng nga imported ken maatap nga illegal a panagunneg dagiti nateng kas iti brocolli, carrots ken strawberries.
Nupay kasta, kinuna ni Vice Governor Mary Rose Fongwan -Kepes a nasken a maadal ken maadaan iti justification nangruna ta saan a basta basta ti panangipatungpal ti checkpoint kadagiti trucks a naglaon iti nateng kasta metlaeng ti panagkumpiskar daytoy.
Inkari ti opisyal nga ikagumaan dagitoy nga aramiden amin tapnu maaksyonan a dagus ti nasao nga isyu.
Inlawlawag ti bise gobernador a nu saan a maaksyunan ket agbalin a kakaasi dagiti lokal a mannalon, ma-apektaran metlaeng ti presyo iti merkado ken food safety.
Impetteng met daytoy nga adda ti imported a nateng a sumsumrek iti probinsya a nasken nga aksyunan dagitoy a dagus.
Mainaig ti dayta dagiti Napagtungtungan bayat ti initial meeting ti nabukel a Benguet Inter-agency taskforce ket maipasa iti opisina ni Asec. Antonio Tabora Jr., Presidential Assistant for the Cordillera Administrative Region (CAR).
Daytoy ti mangilobby wenno mangipasa iti Department of Agriculture (DA) ken iti opisina ti Presidente.
Kabayatanna, manarimaan ti panangrepaso dagiti opisyales iti maysa kadagiti singasing ti league of association iti La Trinidad Vengetable Trading para iti pannakaipasa ti resolution nga addaan panggep a maiparit dagiti inyaman a produkto ti nateng a nagtaud manipud iti ruar ti probinsiya ti Benguet.//Bombo Noveh Organo
