Inladawan ni Baguio City Mayor Benjamin Magalong kas “permanent parasites”dagiti dadduma a kongresista a maatap nga adda pakainaiganda kadagiti iregularidad iti gobierno.
Sigun kenkuana, kasla permanente a parasite dagitoy a nakadikit iti sistema ti gobierno ken agtultuloy a manggun-od iti benepisyo manipud iti kuarta ti publiko.
Innayon ti alkalde a kasapulan a mapaneknekan dagiti akusasion ken panangibilang kadagiti responsable kadagiti iregularidad tapno maliklikan ken maisardeng ti iregularidad iti gobierno.
Impeksaanna a maysa kadagiti pakarigatan dagiti lokal a gobierno ket dagiti iregularidad iti pannakaipaay ti tulong iti publiko, kas iti mapaspasamak iti Department of Health (DOH).
Sigun kenkuana, dagiti lokal a gobierno ti pagkiddawan iti guarantee letter iti publiko, no sadino gapu ta good governance dagitoy, bukodda a bulsa iti pagalanda iti pondo.
Inlawlawagna a dagiti lokal a gobierno ti agsango kadagiti pakarigatan bayat a dagiti dadduma a kongresista ket agala kadagiti pondo a nairanta koma para kadagiti programa ken ayuda para iti publiko.
Nailadawan met ni Magalong a sumagmamano kadagiti ahensia ti gobierno a naapektaran iti daytoy a sistema, pakairamanan ti Department of Labor and Employment (DOLE), Department of Social Welfare and Development (DSWD), ken Department of Health (DOH).
Kinunana nga uray kayat dagiti lokal a gobierno ti mangipatungpal iti panagbalbaliw ken nasaysayaat a panagturay, marigatanda latta a mangaramid iti daytoy no agtultuloy dagiti saan a nasayaat nga ar-aramiden dagiti sumagmamano a kongresista. //Bombo Khey Reparip











