--Ads--
Nawayawayaanen ti 216 iti 236 nga indibidual a natiliw iti protesta idi Nobiembre 15 iti ASEAN Summit.
Nupay kasta, 15 a menor de edad ti agtaltalinaed iti Bahay Pag-asa idiay Muntinlupa City agingga ita nga aldaw.
Agtultuloy met ti pannakisaritada tapno mawayawayaan ti nabatbati a menor de edad. Nagkari met dagiti nagannak ken paralegal nga agtalinaed iti ruar iti pasilidad agingga a makaawid dagiti ubbing ti pamiliada.
Madanagan dagiti nagannak ti nabayag a pannakaibalud dagiti anakda gaputa naapektaran metlaeng ti panagadalda.
Kabayatanna, nagturong metten iti UP Diliman dagiti nawayawayaan nga aktibista para iti maysa a programa kas panangbigbig iti pannakipasetda iti protesta kontra iti Pax Silica ken Luzon Economic Corridor.











