BAGUIO CITY – Ipampannakkel ni Laurefel Gabales, Regional Director ti Philippine Drug Enforcement Agency (PDEA) ti drug-free workplace a nagun-od dagiti sumagmamano nga opisina ken pasilidad iti siyudad ken rehiyon.
Daytoy ket pakairamanan ti sangapulo a Baguio City Police Office – Police stations, dagiti Bureau of Jail Management and Penology jails iti rehiyon, Benguet Police Provincial Office – Police stations ken dadduma pay.
Nupay kasta, guyguyoguyen ni Gabales dagiti government ken pribado a sektor a makipasetda iti programa ti ahensiya a drug-free workplace.
Kas paset ti International Day Against Drug Abuse and Illicit Trafficking,
Kas paset met laeng ti International Day Against Drug Abuse and Illicit Trafficking, ma-unveil dagiti drug-free workplace ken naipaayan dagitoy ti certificate.
Iti sabali a bangir, agtultuloy ti anti-drug operation ti ahensiya iti rehiyon Cordillera.
Maibasar pay iti datus dagitoy, agarup 639 nga anti-illegal drugs operation ti naisayangkat manipod idi Marso 1 agingga Hunyo 21, iti agdama a tawen.
Malaksid iti dayta, natiliw ti 123 a drug suspects ken naipila ti 158 a drug cases.//JEZ
