BAGUIO CITY- Manamnama ti adu a bilang dagiti turista a sumangbay iti Baguio City kagiddan ti maangay nga graduation rites iti PMA ken ti panagleppas ti eleksion.
Iti interview ti Bombo Radyo Baguio kenni BCPO Public Information Office PLT.COL Judy Jasmin Palicos, kinunana a nangrugi a maobserbaran ti adu a bilang ti turista kalpasan ti eleksion.
Kinunana a manamnama a manayuna pay daytoy agingga ita nga aldaw gapu iti aktibidad ti PMA nangruna kadagiti nagannak ken pamilya dagiti kadete a makidar-ay.
Gapu iti daytoy, impasiguradona met ti nainget nga implementasyon dagiti linteg-trapiko iti siudad nangruna kadagiti tourist spots a turongen dagiti bisita ken turista.
Agtultuloy met ti panagwanawan dagiti naiwaras nga pulis kadagiti tourist spots tapnu maipasigurado ti kinatalged dagiti turista ken implementasyon dagiti minimum public health standards.
