--Ads--
Nagbakwit dagiti agarup 10,000 nga indibidual idiay Malibu California gapu iti napasamak nga uram iti maysa a bantay sadiay.
Nangitunda metlaeng daytoy iti pannakauram dagiti sumagmamano a pasdek ken pannakakanselar ti klase dagiti estudyante iti nasao a lugar.
Maibasar iti report, nangrugi ti uram iti rabii ti lunes ngem nagramaram daytoy rason a narigatan dagiti firefighters a nagsebseb agsipud ta napigsa ti angin rason a pumigpigsa ti uram.
Gapu iti dayta, nangipayulog ti National Weather Service iti red flag warning.
Nagkiddaw metten ni Governor Gavin Newsom iti tulong manipud iti Federal Emergency Management Agency (FEMA) tapno masebseban a dagus daytoy.
Iti agdama, saan pay nga ammo ti rason iti nasao nga insidente.
