Ngimato ti kaso ti dengue iti rehiyon Cordillera nu idilig idi napalabas a tawen.
Sigun kenni Doc Mary Crist Delos Santos, doctor iti Baguio general hospital, dumanon iti 28, 363 a kaso ti dengue ti nailista ita a tawen nu sadino 43 nga indibidual ti pimmusay gapu iti daytoy.
Iti siudad ti Baguio, nailista ti agarup walo a ribo a kaso ti dengue ken sangapulo ket walo (18) kadagitoy ket pimmusay bayat nga iti probinsya ti Benguet nangruna ti munisipyo ti La Trinidad ket nakailista iti agarup tallo a ribo a kaso ti dengue.
Dagiti kadaywan met a maap-apektaran iti dengue ket dagiti agtawen iti baente uno agingga trenta.
Imbinglay ni Doc. Jamora a dagiti bulan ti Hunyo agingga Oktubre ti kapaspasamakan ti dengue gapu ta panagtutudo daytoy.
Gapu iti dayta, mapalpalagipan ti tunggal maysa a kitaenda a ndalus ti aglawlaw dagitoy ken ipatungpalda ti 5S strategy tapno maliklikan ti dengue.//Bombo Noveh Organo
