--Ads--
Nadangran dagiti agasawa kalpasan a natupakan dagitoy iti natnag a nagango a sanga ti kayo iti adult biking area sadiay Burnham Park, Baguio City.
Dagiti biktima nga agasawa ket agtawenda iti 59 ken 54, vendor ken residente iti siudad ti Baguio.
Iti imbestigasyon ti pulisya, ti biktima a babae ket nakatugaw bayat a nakatakder met ti asawana nga agur-uray iti customer idi kellaat a natnag ti nagango a sanga ti kayo a nangtupak kadakuada.
Gapu iti dayta, nagsagrap dagiti agasawa iti injuries iti makinkanigid ken kanawan nga ima-da.
Naiturong met dagitoy iti ospital ken maur-uray laengen ti resulta ti xray dagitoy.//Bombo Noveh Organo
