--Ads--
BAGUIO CITY – Maur-uray ti resulta ti otopsiya ken imbestigasyon dagiti maseknan nga otoridad para iti rason ti ipupusay ti maysa a lalaki a nasarakan nga awanan biag sadiay Km 8, Asin Road, Tadiangan, Tuba, Benguet idi kalman, Hunyo 3.
Agruprupsan ti bagi iti nasao a lalaki idi nasarakan daytoy ti 29-anyos a driver a residente metlaeng iti nasao a lugar.
Napag-ammoan a ti lalaki ket maysa a furniture maker a residente metlaeng iti nasao a lugar.
Maibasar pay iti imbestigasyon, nasarakan a nakagalut ti lalaki iti nylon rope bayat a nakabitin iti kayo a mabigbigbig kas ‘tabangawen tree’.
Nakakawes daytoy ti black maong jacket, ken maong pants.//Bombo Jez Lapizar
