--Ads--
Napasamak manen ti maysa a Vehicular Traffic Accident (VTA) itay laeng parbangon ita nga aldaw idiay Purok 4, Bakakeng Norte, Baguio City.
Sigun kadagiti otoridad a nakayuman ti Bombo Radyo, nakainum ti lalaki nga agtawen ti 23, maysa nga estudiante ken residente ti Purok 5, Bakakeng Norte, Baguio City.
Naamuan dagiti otoridad bayat ti panagimbestigarda a naawanan ti lalaki ti kontrol iti manibela ti lugan.
Gapu iti dayta, nadungpar ti luganna ti landok nga alad ken natnag iti kauneg nga agarup 30 feet.
Nagsagrap ti lalaki iti minor injuries, ken nadadael ti lugan ti lalaki.
