--Ads--
Inlaylayon ti Commission on Elections (Comelec) ti deadline para iti online filling iti aplikasyon para kadagiti reactivation dagiti na-deactivate wenno naikkat a botante agingga inton Setyembre baente singko,iti agdama a tawen.
Iti sidong ti Resolution No. 10963-A, nailaylayon ti aplikasyon tapno maipaayan dagiti botante iti gundaway nga agparehistro manen.
Maibasar iti kaudian a datos dagitoy dumanon iti agarup 5.3 million a botante ti naikkat para iti National ken local election inton sumaruno a tawen.
Na-deactivate dagitoy kalpasan ti saanda a panagbutos iti dua a daras.
Gapu iti daytoy,maal-allukoy dagiti na-deactivate a botante nga agaplikar dagitoy iti online wenno iti opisina ti Commission on Elections (Comelec).
