--Ads--
BAGUIO CITY- Agsagsagana itan ni Corporal Sessy Lou Salazar manipud iti probinsya ti Kalinga para iti maika-dua pulo ket innem nga Annual World Championships of Performing Arts a maangay sadiay Anaheim, California, USA inton Hulyo 2023.
Karaman ni Salazar kadagiti nakapasa iti dua nga audition manipud kadagiti 200 nga indibidual a nangpadas iti nadakamat a singing contest.
Ni Salazar ket maysa a bokalista ti Fifth Infantry Division Band ti Philippine Army a nakabase sadiay Isabela Mainaig iti dayta, ni Salazar ket siyam a tawenen nga agserserbi iti pagilian kas kameng ti Philippine Army.
Iti agdama, agsagsagana ni Salazar iti bootcamp sadiay Manila a mangrugi inton Enero ti umay a tawen.
