Nakasagana ni Baguio City Administrator Engineer Bonifacio dela Peña kaspangarigan mangipaiyulog ti Ombudsman ti preventive suspension kontra kenkuana.
Kasaruno dayta ti panangipila ni Councilor Maria Mylen Victoria Yaranon ken maysa a private citizen ti kaso a graft kontra kenkuana kasta metten ken da Baguio City Mayor Benjamin Magalong, City Building official Arch. Johnny Degay, ken Chief of the planning division of the City Buildings and Architecture Office a ni Engr. Samuel Salvador.
Iti interview ti Bombo Radyo kenni Engr. dela Peña, kinunana a kompiyansa daytoy a saan a patgan ti Ombudsman ti kiddaw dagiti nasao a complainant gapu ta mamati daytoy nga awan ti kinurakotda a pondo.
![](https://img.bomboradyo.com/baguio/2024/07/ENGRDELA-PENA.jpg)
hindi naman kami nagagambala ni mayor kasi we can answer all of these.
Engineer Bonifacio dela Peña- Baguio City Administrator
Pinasingkedan ni Engr. dela Peña a transparent dagitoy iti panangiyimplimintarda kadagiti proyekto a maitunos iti tarigagayda a “good governance”.
Nupay kasta, inaklon ti city administrator nga adda latta dagiti pagkurkuranganda kadagiti proseso ti panangiyimplimintar kadagiti proyekto ngem inlawlawagna a maipaspasidong amin iti “scrutiny” wenno naan-anay a panakaadal.
Maipalagip a ti kaso a naipila kadakuada ket adda ti pakainaiganna iti panakaaramat ti pondo kadagiti sumagmamano a proyekto iti siudad pakairamanan ti Baguio Youth Convergence Center ken ti Sports Complex iti Baguio Athletic Bowl.
Kabayatanna, innayon ni Engr. dela Peña a kidkiddawenda kadagiti complainant ti detalye ti irekreklamoda ngem awan ti maipaay dagitoy nga impormasyon.//Bombo Rob Dominguez