BAGUIO CITY – Nadutukanen ni Baguio City Mayor Benjamin Magalong kas baro a Contact Tracing Czar ti COVID-19 iti intero a pagilian babaen iti National Task Force COVID-19.
Inlawlawagna nga aramatenna ti skills training ken Contact Tracing e-System kadagiti dadduma a lokal a gobyerno, no sadino, maipasidong dagiti contact tracers iti panagsanay iti wagas ti panagdamag tapnu nalaklaka a malagip ti COVID positive patient dagiti insidente a dimmalananna iti napalabas a dua agingga tallo a lawas.
Kinunana a tapnu agkurri ti COVID-19 e-system iti pagilian ket nasken a mabaliwan ti istruktura ken agbalin a digitalized ti sistema iti contract tracing.
Innayonna a buklen dagiti health workers, law-enforcement investigators, analysts, encoders, technical support ken ti community support system wenno Barangay Health Emergency Response Teams ti nasao a sistema.
Sigun pay iti mayor, mabalin a maaramat kas contact tracers dagiti criminologist ken dagiti retired intelligence officers.
Maipalagip a napadawayan ti lokal a gobierno ti Baguio City gapu iti napintas a wagas a maipatpatungpal tapno malapdan ti panagwaras iti COVID-19 babaen iti epektibo a contact tracing.
