--Ads--
BAGUIO CITY – Nakemmeg ti maysa a balasang iti drug buy operation nga inpatungpal ti Baguio City Police Office sadiay Bokawkaw Road, Baguio City idi kalman.
Nabigbig daytoy a ni Denise Francesca Caro, agtawen iti 32, residente ti San Carlos Heights, Irisan, Baguio City ken daytoy ket maysa kadagiti nailista nga street level target ti pulisya.
Nakumpiskar kenkuana ti 13 a babassit a pakete a naglaon iti maatap a shabu nga agdagsen iti 2.5 grams nga aggatad iti P3,500.
Nakumpiskar pay kenkuana ti maysa a cellphone a naaramat iti iligal a transaksion ken dadduma pay a drug paraphernalia.
Naiturong ti balasang iti kustodia ti BCPO Station 2 para iti dokumentasion ken pannakaipila ti kaso kontra kenkuana.
