--Ads--
Kinumpirmar ni Interior and Local Government Secretary Jonvic Remulla ti bangkay a nasarakan sadiay Tuba, Benguet ket pudpudno a daytoy ni sigud a Department of Public Works and Highways undersecretary Maria Catalina Cabral.
Sigun kenkuana, daytoy ket kas maibasar iti DNA fingerprints.
Impettengna a rimmuar iti autopsy a naipatungpal nga awan ti foul play a naaramid agsipud ta awanan daytoy iti ligature marks, saan a nabekkel, awanan iti gunshot wound ken awan metlaeng iti knife wounds.
Inladawanna laeng a nagsagrap daytoy iti adu a sukat iti bagi.
Innayonna pay nga awan ti naala dagitoy a suicide note, rason nga impagarupda a naaddaan daytoy iti mental health issue.
