BAGUIO CITY – Nasarakan ti marunrunot a bangkay ti maysa a rider sadiay Barangay Appas, Tabuk Kalinga.
Nabigbig daytoy a ni Ramel Jimenez Caro, 34 anyos, laborer, ken residente ti Poblacion South East Zone, Lemery, Iloilo
Sigun iti Tabuk City Police Station – Traffic Management Unit, nasarakan ti bangay ti lalaki iti maysa a kanal idi agsapa di kalman pakairamanan ti motorsiklo daytoy
Iti imbistigasyon dagiti otoridad, naduktalan a tallo nga aldaw a saan a nakaserrek iti trabaho ti lalaki ngem saan a napagdua-dua-an gapu ta saan a regular nga sumsumrek iti trabaho.
Naobserbaran pay a naka ‘on switch’ ken adda iti 4th gear ti motorsiklo ti lalaki a mangipaspasimudaag a napartak iti panagpatarayna iti daytoy kas maibasar metlaengen iti kasasaad ken dadael ti motorsiklo.
Naiturung metten ti bangkay ti lalaki iti TAMPCO Funeral home.
