UPDATE – Impanamnama ti Department of Migrant Workers (DMW) a maipaayan iti government assistance ti pamilia ti overseas Filipino Worker (OFW) a nabitay idi Oktubre a singko iti agdama a tawen sadiay Saudi Arabia.
Segun kenni Department of Migrant Workers Secretary Hans Leo Cacdac, ipaayda ti kaskenan a tulong kadagiti pamilia daytoy nangruna dagiti annak, agsipudta dagitoy ti kangrunaan a kason nu apay nga inkedding ti maysa a Filipino nga agbalin nga Overseas Filipino worker iti sabali a pagilian.
Impanamnama met Cacdac a naiyawid iti pagilian ti bangkay iti nabitay a Pilipino.
Nupay kasta, immunan a kinuna ni Riyadh Charges D’Affaires Rommel Romato a saan a mabalin a maiyawid ti bangkay daytoy maibasar iti Shari’ah Law sadiay Saudi Arabia.
Maipalagip a napapatay ti nasao a Pilipino a saan a naipakaammo iti pagilian kas paset ti pagannurotan sadiay.
Nasintensiaan iti execution ti nasao a Pilipino kalpasan a pinapatayna ti Saudi National idi 2020 babaen iti panangkabilna iti Martilio gapu iti saanda a panagkinnaawatan maipapan iti negosio.
