BAGUIO CITY – Nakemmeg ti maysa a baro kalapasan a nagtakaw iti tangke ti LPG ken sumagmamano a sapataos sadiay Alapang, La Trinidad, Benguet idi kalman.
Nabigbig daytoy a ni Jasper Mabli Tomas, 21-anyos, awananan trabaho ken residente ti Pico, La Trinidad, Benguet.
Nabigbig met ti complainant a ni Wilbur Mangkawi, 40-anyos ken residente ti Alapang, La Trinidad.
Maibasar iti blotter ti pulisya, mangipatpatungpal iti footpatrol dagiti pulis idi naaktuwanda a bagbagkaten ti suspek ti maysa a tangke ti LPG a tinakawna iti maysa a construction site sadiay Camp Dangwa ken nakaiggem iti maysa nga ecobag a naglaon kadagiti sapatos a maatap a tinakawna sadiay Tawang.
Sumangsango ita ti suspek iti kaskenan a kaso malaksid pay iti immuna a kasona nga 11 a bilang ti theft ken 5 a bilang ti robbery. (with Bombo Florence Paytocan)
