Manarimaan ti panangiaramid ti Benguet Electric Cooperative, Inc. (BENECO) iti linya ti kuryente a naapektaran sadiay Camp 3, Tuba, Benguet kalpasan a nabangga ti Hyundai Santa Fe ti maysa a poste a nangitunda iti panagcollapse daytoy ken panakapukaw iti kuryente.
Iti panakiuman ti Bombo Radyo iti Tuba Municipal Police Station, pasado alas tres ti malem a napasamak ti aksidente.
Dagus met a nagresponde ti Tuba MPS ken nai-iged ti Hyundai kasta met ti poste a natumba.
Saan met a nadangran ti driver ti nasao a lugan ken naiturong iti stasyon ti pulisya.
Maipalagip nga idi napasamak ti nasao nga aksidente ket nabalakadan dagiti motorista a magnada pailaeng kadagiti alternatibo a ruta kas iti Marcos Highway wenno ti Asin-Nangalisan-San Pascual-La Union Boundary Road.
