--Ads--
BAGUIO CITY – Maibilbilang itan ni ACT-CIS Partylist Representative ken Benguet Congressman Eric Go Yap kas “anak” ti Benguet.
Nangipasa ti Sangguniang Panlalawigan ti Benguet iti maysa a resolusion a nangadaptar ken ni Yap kas “Son of Benguet”.
Nakalanad iti resolusion a bigbigbigen dagiti opisial ken residente ti panangipateg ni Yap iti probinsia ti Benguet babaen iti panangipaayna iti nagduduma a tulong nangruna ita a panawen ti krisis.
Naibilang ti kongresista kas anak ti Benguet kagiddan ti kasangayna idi kalman.
Manamnama a maipatungpal ti opisial a seremonia ken panagrambak para iti pannakabigbig ni Yap kas anak ti Benguet kadagiti masungad nga al-aldaw.
