--Ads--
BAGUIO CITY – Agkidkiddaw ti tulong ni Florentina Garcia, maysa kadagiti biktima ti napasamak nga uram idiay Purok 7, Sunnyside, Brgy. Fairview, Baguio City ita nga aldaw.
Sigun kenkuana, nasebseban ti paset ti balay nga immuna nga inuram ti maatap a suspek iti 3:48 ti agsapa.
Ngem pasado alas kuwatro, saandan a nabaelan a sebseban gapu ta nagramaramen ti uram iti daduma a paset ti pagtaengan.
Kinuna ni Garcia nga asideg ti pagtaenganda iti nagtaudan ti uram rason a nairaman ti balay daytoy gapu metlaeng iti dagus a panagramaram ti uram.
Awan ti nairuar da nga aniaman nga usar wenno kagawaan dagitoy pakairamanan ti usar ken kuwarta ti anakna nga usarenna kuma iti panageskwela-na ita a bulan ti Hulyo.
*panagramaram/ramaram – pagkalat ng apoy
