BAGUIO CITY – Dumanon iti dua pulo ket lima a kandidato ti nangipila iti Certificate of Candidacy-na iti probinsiya ti Benguet.
Iti umuna ken maikadwa nga aldaw ti filing, sag-dua ti nangipila; maysa ti nangipila iti maikatlo nga aldaw.
Iti interview ti Bombo Radyo kenni Atty. Elenita Julia Tabangin-Capuyan, Provincial Supervisor iti COMELEC – Benguet, dua nga independent candidate ken dua a partido ti pinasangbay ti opisina dagitoy idi kalman, Oktubre 4.
Imbinsa-binsa ni Atty. Capuyan nga uppat a bilang ti agngayngayangay para iti kina-Congressma; tallo iti kina-Gobernador; ken tallo iti kina-Bise Gobernador.
Kinunana nga adda paylaeng ti ur-urayenda a manangipila iti Certificate of Candidacy-na kadagiti nabatbati pay nga aldaw.
Kabayatanna, karaman kadagiti napasaranda a minor problem iti nasao a filing ket ti maliplipatan a documentary stamp iti umuna a page ti dokumento; documentary stamp iti umuna a page ti Certificate of Nomination and Acceptance (CONA) a kasapulan a maisubmitir iti aldaw metlaeng ti panangipila iti Certificate of Candidacy.
